Manchester United, i kënaqur me rritjen e lojtarit, do të donte ta mbante atë për ta provuar në Premier League, por duket se vetë Diogo po bën presion që të kthehet në Itali. Kjo u raportua në edicionin e sotëm të “La Gazzetta dello Sport”, i cili bën një përmbledhje të situatës në negociatat për mbrojtësin portugez. Zgjedhja e Dalot është një zgjedhje e zemrës – vëzhgon Gazzetta – por edhe e kokës: në moshën 22 vjeç dhe me Kupën e Botës në derë, në fakt, ai nuk ka ndërmend të jetojë një sezon tjetër te Manchesteri midis stolit dhe tribunës.
Te Milani, nga ana tjetër, ai do të gjente hapësirë dhe një trajner, Stefano Pioli, i cili e vlerëson shumë. Diogo kaloi një kohë të shkëlqyeshme në Milano: ajo që supozohej të ishte një lloj praktike në Serie A është kthyer në një përvojë të plotë dhe të përmbushur të jetës dhe karrierës. Këtë herë Milani do të donte të bënte një marrëveshje tjetër krahasuar me atë të një viti më parë: një hua me të drejtën e blerjes për të shmangur një situatë të ngjashme si sivjet dhe verën e ardhshme. Manchester United ende nuk ka dhënë dritën jeshile për këtë mundësi por Milani shpreson dhe beson te vullneti i lojtarit.
