Pasditen e sotme, Barcelona zhvilloi një miqësore me skuadrën e Shtutgartit në Gjermani duke vazhduar përgatitjet para nisjes së sezonit të ri.
Në fushë zbriti dhe blerja më e re, sulmuesi Memfis Depai i cili bëri një performancë mjaft të mirë duke shënuar një supergol. Në minutën e 21-të, Depai stopoi bukur një top të gjatë, dribloi mbrojtësin kundërshtar dhe mposhti portierin me një goditje të saktë brenda zonës.
Një paraqitje mjaft e mirë e holandezit, i cili së bashku me Agueron dhe Mesin pritet të formojë një sulm mjaft të fortë. Kujtojmë se sulmuesi shqiptar, Rei Manaj e nisi nga stoli ndeshjen me Kuman që u dha mundësi lojtarëve që u kthyen nga pushimet të kapin ritmin e shokëve të skuadrës.
