Italia vazhdon rrugëtimin edhe janë tani 32 fitore radhazi për ekipin e Mancinit. Belgjika i largohet turneut. Në gjysmëfinalje, skuadra axurre do të përballet me Spanjën.
Pjesa e parë mes Italisë dhe Belgjikës është mbyllur me emocione dhe plot tre gola.
Italia, pas golit të parë te Barella, ka gjetur edhe dyfishimin me një super Insigne, magjistar jashtë zone. Goditje perfekte në trekëndësh.
Por, arbitri më pas ka akorduar një penallti të dyshimtë për një luftë trup më trup mes Di Lorenzo dhe Doka.
Pasi ka pritur konfirmimin e VAR ka akorduar dhe Lukaku nuk ka falur Donnarumma, duke hapur sfidën në 2-1.
Në pjesën e dytë, rasti më i rrezikshëm ishte i Lukakut, kur Spinazzola bëri një shpëtim spektakolar. Më pas, mbrojtësi doli me lot pasi u dëmtua rëndë.
Arbitri dha 5 minuta shtesë por ndeshja shkoi deri në të 97′ dhe britma e fundit e Donnarumma vulosi suksesin axurr.
