Finalja e Euro 2020 mes Italisë dhe Anglisë është shumë afër.
Edhe Zibi Boniek, numri një i Federatës Polake të Futbollit, ka dhënë mendimin e tij për sfidën e Wembley-t.
“Favoritja mes Italisë dhe Anglisë? Të luash në shtëpi është gjithmonë një avantazh, ndihesh më mirë. Por kujdes, Italia ka luajtur në Wembley dhe e ka zvogëluar këtë diferencë”, ka thënë ish-ylli i Juventus-it për Sky Sport.
“Italia është pak më superiore, ka më shumë lojtarë teknikë në krahasim me Anglinë. Gjithsesi, gjëja më e rëndësishme do të jetë aspekti mendor, përgjegjësia do të jetë më e madhe për anglezët”.