Ndeshjet Live Sport

LIVE/ “EURO 2020”: Mbyllet ndeshja Angli-Danimarkë në “Wembley”. Rezultati 2-1

Anglia dhe Danimarka janë duke u ndeshur për të siguruar një biletë për në finalen e Champions-it, aty ku i pret Italia.

Anglia vjen si favorite kryesore në këtë takim pasi ‘’3 Luanët’’ vijnë me një statistike të frikshme duke mbajtur rekordin si skuadra që nuk ka pësuar asnjë gol në 5 ndeshje të luajtura në këtë Europian. Përballë do të kenë një Danimarkë e cila nuk ka çfarë humbet dhe di të shënojë shumë gola. Këtë e ka treguar dhe në sfidat e kaluara ku në 5 sfida ka shënuar plotë 11 herë, 10 prej të cilëve në 3 sfidat e fundit.

Tifozët anglez janë të bindur për suksesin e kombëtares së tyre aq sa kanë filluar të prenotojnë bileta për finalen e madhe të 11-korrikut. Sfida pritet e hapur dhe mjaft e bukur pasi danezët nuk kanë çfarë humbasin pavarësisisht se përballë do të kenë një skuadër të mbushur me yje.

 

LIVE/ Angli – Danimarkë 2-1

Kjaer 39′ (autogol), Kejn 104′  / Damsgard 30′

KOMENTI LIVE: 

104′ GOOOOL ANGLIA 2-1/ Shmajkëll ndal fillimisht gjuajtjen e Herri Kejn, i cili ndjek aksionin dhe me tentativën e dytë dërgon topin në rrjetë. 

102′ Penallti për Anglinë, e fiton Stërling. Protestojnë danezët!

100′ Anglia nuk heq dorë nga sulmet e vazhdueshme në zonën e danezëve që janë tërhequr të gjithë mbrapa dhe kërkojnë të mbrojnë rezultatin.

95′ Zëvendësim te Anglia, largohen Rajs dhe Maunt, në lojë Henderson dhe Foden.

93′ Shmajkëll tregon sërish reflekset, duke i thënë “jo” gjuajtjes së Herri Kejn. Fantastik portieri danez.

91′ Starton shtesa e parë prej 15 minutash.

Koha e rregull mbyllet pa fitues, ndeshja shkon në shtesa! 

90′ Akordohen 6 minuta shtesë!

88′ Zëvendësim i pestë te Danimarka, largohet Delanej për Jensen.

80′ Kësaj here ishte radha e Kalvin Filips, i cili provoi nga distanca, por pa sukses!

79′ Zëvendësim te Danimarka, largohet nga fusha Kristiansen i dëmtuar, vendin e tij e merr Andersen.

73′ Minuta të mira për Anglinë që qëndron në sulm në kërkim të golit të fitores.

69′ Zëvendësim edhe te Anglia, largohen talenti Saka në lojë futbollisti i Aston Vilës, Grilish.

67′ Danimarka kryen 3 zëvendësime, largohen nga fusha, Larsen, Damsgard dhe Dolberg në lojë, Vas, Polsen dhe Norgard.

55′ Shmajkëll, fluturon në cepin e portës dhe i mohon golin Meguajerit. Fantastik portieri i danezëve.

49′ Meguajër ndëshkohet me karton të verdhë për goditje me brryl ndaj Kjaer.

46′ Starton pjesa e dytë!

Mbyllet pjesa e parë!

39′ GOOOOL ANGLIA 1-1/ Vendoset baraspeshat! Kjaer shkakton autogol. Shpërthen në festë Uembli! Pas një topi nga e djathta nga ana e Saka, mbrojtësi që aktivizohet te Milani, devijon drejt rrjetës së portës së tij. Aty pranë ndodhej edhe Stërling. 

37′ Shmajkëll bën heroin duke i mohuar një gol të sigurt Stërling. Vendimtar portieri danez me pritjen e tij.

30′ GOOOOOL DANIMARKA 0-1/ Predha e Damsgard nga goditja e dënimit, shtang “3 Luanët” në Uembli. Shpërthejnë në festë danezët. Fantastik mesfushori që aktivizohet me Sampdorian në Serinë A. Ky ishte goli i parë që pëson Anglia në këtë Euro 2020 dhe goli i parë direkt nga goditja e dënimit. 

24′ Sërish rrezikshëm danezë. E djathta drithëruese e mesfushorit Damsgard shkoi ngjitur me shtyllën. Nordikët provojnë të surprizojnë.

15′ Minutat e para një zjarr i vërtetë me sulme dhe kundërsulme nga të dyja krahët.

12′ Sërish rrëzikshëm Anglia, që provon me Stërling, por gjuajtja e tij shkon drejt e në duart e portieri Shmajkëll.

9′ Danimarka provon të surprizojë me një shpërthim të Damsgard, por mbyll mjaft mirë Uoker, duke neutralizuar një mundësi të rrezikshme.

6′ Angli agresive në minutat e para, Kejn provon të shërbejë për Stërling, që nuk kontrollon dot topin.

1′ Starton gjysmëfinalja, “3 Luanët” menjëherë në sulm në kërkim të golit!

Related posts

Të gjithë sytë te Ronaldo/ Shikoni çfarë bën ish lojtari i Juventusit (VIDEO)

Isa.Autor

LËVIZJET E BUJSHME/ Mourinho tek Real, Conte në Manchester

bora.autor

SONTE LUHET “EL CLASICO” E 239-TË/ Ja kush do të jetë “HIJA” e Messit në “Camp Nou”

Delo.autor

Leave a Comment