Herri Kejn është nën kontratë me Totenhemin dhe emri i sulmuesit anglez është lakuar si dëshirë për shumë skuadra të tjera.
Mes tyre, opsion është edhe Mançester Sit i Guardiolës, në kërkim të një bomberi. Mirëpo, në prezantimin e trajnerit të ri, portugezit Nunjo Espirito Sanço, presidenti i Totenhemit, Daniel Levi, ka caktuar edhe çmimin që nevojitet për bomberin e “Tre Luanëve”, i cili shënoi golin e dytë ndaj Gjermanisë.
“Kejn nuk ikën nga Totenhemi. Asnjë ofertë poshtë 150 milionë sterlinave nuk do të merret në konsideratë”, ka deklaruar kreu i skuadrës londineze, duke i dhënë garanci trajnerit të ri për ta nisur siç duhet punën nën drejtimin e Totenhemit.