Te Interi ka ardhur koha që të merren me rinovimet dhe prioritet për momentin është zgjatja e kontratës së mesfushorit Marselo Brozoviç.
Simone Inzagi e sheh si një pikë mjaft të rëndësishme të skuadrës mesfushorin kroat dhe klubi nuk kërkon të privohet nga një largim i tij. Brozoviç hyn në sezonin e 7-të me Interin teksa kontrata i skadon në verën tjetër.
Mesfushori ka zbarkuar në Milano pasi mbaroi pushimet, dhe javën tjetër pritet takimi me agjentin e lojtarit për të diskutuar për kontratën e re. Ka optimizëm tek drejtuesit e Interit, pavarësisht se ofertat për Brozon nuk mungojnë, kryesisht nga Anglia.