Igli Tare është duke përgatitur goditjen e madhe në merkato për trajnerin Mauricio Sarri. Pas Elseid Hysajt, i cili pritet të zyrtarizohet në ditët në vazhdim, drejtuesit e klubit kryeqytetas janë hedhur në sulm për futbollistin e Juventusit, Federiko Bernardeski, i cili nuk ka shumë hapësira të Juventusit.
27-vjeçari është pjesë e kombëtares italiane në këtë Euro 2020, teksa pëlqehet shumë nga trajneri i ri i Lacios, i cili raportohet nga mediat se ia ka kërkuar Tares në skuadër, pasi ka një konsideratë të veçantë për të.
Bernardeski është pjesë e Juves, që nga vitit 2017, teksa në total ka regjistruar 106 paraqitje me bardhezinjtë, ku ka arritur të shënojë vetëm 7 gola.
