Arbitri holandez Bjorn Kaipers do t’i japë fund arbitrimit këtë verë duke mbyllur kështu një karrierë 19-vjeçare në këtë profesion.
Kaipers gjykoi dhe finalen e Kampionatit Europian ndërmjet Anglisë dhe Italisë në datën 11 korrik në Uembli duke hyrë në histori si një ndër gjyqtarët më të mirë të UEFA-s.
48-vjeçari do të gjykojë në datën 8 gusht finalen e superkupës së Holandës ndërmjet Ajaksit dhe PSV-së dhe kjo do të jetë ndeshja e tij e fundit si arbitër. Holandezi do t’i përkushtohet bizneseve të tij të cilat i sjellin jo pak fitime duke e bërë gjyqtarin më të pasur me 13 milionë euro pasuri.
