Mesfushori shqiptar Arbër Zeneli ka pësuar një dëmtim të rëndë ditën e sotme dhe pritet të qëndrojë shumë gjatë jashtë fushe.
Zeneli ka këputur ligamentin e gjurit, njëjtë si dy vjet më parë, dëmtim që në atë kohë e la thuajse 1 vit jashtë fushe. Lajmin e bëri të ditur vetë faqja e klubit të 26-vjeçarit, Reimsi e cila njoftoi tifozët për dëmtimin e mesfushorit të skuadrës dhe i uroi shërim të shpejtë duke e inkurajuar në një farë mënyrë dhe bëri të ditur se futbollisti do t’i nënshtrohet një operacioni.
Zeneli i pafat, pësoi të njëjtin dëmtim dy vite më parë, duke pritur shumë të kthehej në fushën e lojës. Një goditje e madhe kjo për klubin francez, por dhe për përfaqësuesen e Kosovës, ku Arbër Zeneli është një ndër futbollistët kyç të dardanëve
