Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit.
Sulmuesi shqiptar u aktivizuar vetëm në minutën e 79-të nga trajneri Kuman duke zënë vendin e Antoni Grizmanit. 24-vjeçari vetëm pak minuta pas aktivizimit në fushë humbi një rast të hartë teksa pritja e portierit të Shtutgartit i mohoi golin e radhës me Barcelonën.
Manaj ndaloi bukur një top në zonë, por gjuajtja e sulmuesit lushnjar u prit nga portieri i cili e devijoi në goditje nga këndi. Ky ishte rasti i vetëm për Manajn, nisur dhe nga minutat e pakta që u aktivizua.
Barcelona triumfoi 0-3 në miqësore me golat të shënuar nga Depaj, Jusuf Demir dhe Rui Puig.
