Një javë nga fillimi i Lojërave Olimpike “Tokio 2020” shtohen rastet e sportistëve pozitivë me Covid-19 dhe që kanë mbërritur në Japoni.
Organizatorët e Olimpiadës bëjnë me dije në 24 orët e fundit janë sinjalizuar 8 raste të reja me koronavirus brenda sportistëve në Fshatin Olimpik. Të gjithë personat kanë hyrë në karantinë 24 orë dhe mjaft prej tyre rrezikojnë të mos garojnë.
Deri më tani, që nga dita e parë që është hapur Fshati Olimpik (1 korrik), janë regjistruar 26 raste me Covid-19, duke shtuar ndjeshëm shqetësimin e organizatorëve në lidhje me përhapjen e virusit.
Në këtë numër (26) janë përfshirë edhe disa raste të punonjësve që shërbejnë në Fshatin Olimpik, ëq gjithashtu kanë rezultuar pozitivë.
