Futboll Shqipëri Sport

“PARTIZANI MË BËN KRENAR”/ Rrëfehet Taulant Xhaka: Ju tregoj çfarë më ka pyetur trajneri i Baselit

Mesfushori Taulant Xhaka është një emër shumë i njohur i futbollit dhe ka përfaqësuar edhe Shqipërinë në “Euro 2016”. Futbollisti kuqezi aktivizohet prej shumë vitesh në radhët e Bazelit dhe ekipi i tij do të përplaset me Partizanin në turin e dytë të Ligës së Konferencës.

Në një intervistë ekskluzive për “Panorama Sport”, Xhaka është shprehur se ndihet shumë krenar për Partizanin që luan në nivele të larta. Gjithashtu, mesfushori tregoi se ka raporte të shkëlqyera me portierin Alban Hoxha, si dhe zbuloi se trajneri i Bazelit dhe shokët e skuadrës i kanë kërkuar ndihmë për të analizuar skuadrën e Partizanit.

Sa i takon parashikimit të rezultatit, Xhaka tha se është e pamundur të thotë një gjë të tillë, pasi futbolli është i mbushur me surpriza. Ndërsa për shanset që kanë skuadrat, tha se gjithçka mund të ndodhë dhe se ekipi që do të jetë në ditën më të mirë, do të dalë triumfues nga fusha e lojës.

Taulant, kur u hodh shorti i turit të dytë dhe patë që goglat ju vendosën përballë Partizanit, si u ndiet ju si futbollist shqiptar?

Unë jam ndier shumë mirë, i kam ndjekur edhe në ndeshjet kundër Sfintulit dhe jam shumë krenar që e fituan sfidën e tyre. Gjithashtu, jemi shumë krenarë që Partizani do të luajë me një ekip si Bazeli, jo vetëm unë, por dhe Pajtimi (Kasami) dhe Edoni (Zhegrova) jemi ndier shumë krenarë për Partizanin.

taulant-xhaka

Trajneri i Bazelit apo dhe shokët e skuadrës, ju kanë pyetur për ekipin e Partizanin?

Po, më kanë pyetur si është Partizani, a kanë lojtarë të mirë. U kam thënë që janë një ekip shumë i mirë, që e bën shumë mirë fazën ofensive. Por, u kam thënë edhe që kanë dhe një portier të shkëlqyer si Alban Hoxha, që ka luajtur me mua në Kombëtare.

Trajneri ynë e ka kuptuar që Partizani është një ekip shumë i mirë dhe jemi munduar me videoanalizë të kuptojmë pikat e forta dhe ta përgatisim sa më mirë takimin. Më kanë pyetur dhe si është stadiumi në Shqipëri. U kam thënë se është një stadium shumë i bukur dhe do të jetë një stadium i shkëlqyer për të luajtur.

Related posts

MPOSHTET NË STAMBOLL/ Shqipëria i dhuron fitoren Turqisë

Delo.autor

QËNDROI 2 VITE E GJYSMË NË KOMA/ Ajax prish kontratën lojtarit që pësoi sulm në zemër dhe ka mbetur…

Delo.autor

Tirana kërkon fitoren në Kamëz/ LORIK CANA studion bardheblutë me presidentin HALILI

Isa.Autor

Leave a Comment