“De Laurentiis? Nuk dua të flas për të, sepse do t’i jepja shumë rëndësi. Ai nuk e mbajti fjalën që më kishte dhënë, në atë moment gjithçka kishte mbaruar”…
Kështu flet ekskluzivisht për mikrofonët e Tuttonapoli.net Nicolas Higuain, vëllai dhe agjenti i Gonzalo Higuain, i cili kthehet të flasë për lamtumirën në mes të një mijë polemikave të sulmuesit argjentinas që më pas firmosi te Juventusi:
“Për mua fjala e dhënë është më e rëndësishme sesa një letër e nënshkruar. Kur bëj një pakt dhe shtrëngojmë duart, ajo mbaron këtu”.
“Nuk ishte një çështje ekonomike, ne kërkuam gjëra për të ndihmuar klubin të rritet dhe të përmirësojë gjërat. Imagjinoni që Gonzalo kaloi shtatë vjet te Real Madrid, ne po flasim për një përvojë të pabesueshme në botën e futbollit.
Kur i propozoi gjëra Napolit për t’i ndihmuar ata të rriteshin, De Laurentiis nuk donte ta dëgjonte atë. Kur Juve na tha se donin të paguanin klauzolën, Gonzalo më tha se ai nuk dëshironte më të fliste me De Laurentiis dhe ndodhi ajo që ju e dini.
Nuk ishte një çështje ekonomike, ishin gjërat për të përmirësuar ekipin, infrastrukturën dhe terrenin e trajnimit.
Në vend të kësaj, ai dëgjoi dhe pastaj lejoi që gjërat të dilnin nga veshi tjetër… Kjo është arsyeja pse historia me të mbaroi”.
“A njihni një person që bën një marrëveshje 90 milion euro dhe është i trishtuar? Kur humb lojtarin tënd më të rëndësishëm, përgjegjësia e kujt është? Kur dëshiron që çdo ditë të provosh se je i mirë dhe se idioti është vëllai im?!
Ne gjithmonë përpiqemi ta bëjmë futbollistin një idiot, sepse ai kontrollon pasionin e tifozit, presidenti nuk e bën. Kur dëshiron të jesh më i rëndësishëm se lojtarët, gabon”.
