Çështja e Elseid Hysajt vazhdon të jetë një temë e nxehtë ne futbollin italian dhe “Radio Kiss Kiss” e Napolit ka intervistuar për këtë temë presidentin e FSHF-së, Armand Duka. Ky i fundit, nuk ka ngurruar të kritikojë hapur ultrasit e Lacios për sjelljen e tyre të pakuptimtë ndaj mbrojtësit shqiptar.
“Tifozët e vërtetë të futbollit nuk bëjnë gjëra të tilla. Disa prej tyre e kanë humbur logjikën. Elseidi ka ardhur te Lacio të ndihmojë dhe ka kënduar një këngë italiane. Është absurde!
Hysaj është i shqetësuar, nuk është një situatë e lehtë. Por ai ka pasur mbështetjen e klubit, të opinionit publik, të shumë lojtarëve. E gjithë bota është me të”, tha Duka në fjalët e tij për radion italiane.