Teuta dhe Bylisi janë drejt finalizimit të një marrëveshjeje për portierin Panajot Qirko.
Burime pranë klubeve bëjnë të ditur për “Panorama Sport”, se javën e ardhshme 22-vjeçari me origjinë nga Gjirokastra pritet të prezantohet te kampionët e Shqipërisë.
Mësohet se në orët e fundit në lojë për shërbimet e Qirkos është futur edhe Partizani, pasi nga të kuqtë mund të largohet Alban Hoxha, pas një oferte nga Arabia, raportuar sot ekskluzivisht në “Panorama Sport”.
Gjithsesi, durrsakët duken më afër Qirkos, në një kohë që Stivi Frashëri pritet t’i bashkohet Ballkanit të Suharekës në Kosovë, aty ku firmosi së fundmi qendërmbrojtësi durrsak, Rustem Hoxha.
