Lokomotiva e Zagrebit menjëherë pas largimit në formulën e huazimit të Sherif Kallakut tek skuadra e Teutës deri në muajin janar, ka prezantuar një tjetër shqiptar.
Arbër Hoxha gjatë ditës së sotme është prezantuar me skuadrën kroate duke firmosur kontratën e tij të parë jashtë vendit.
Sulmuesi anësor kosovar i cili së fundmi ka luajtur në rradhët e Ballkanit ka bërë hapin e madh në karrierë duke u transferuar tek një nga klubet me emër në Kroaci.
Më herët 20-vjeçari ka mbajtur veshur edhe fanellat e Prishtinës, Besës, dhe Istogut në Kosovë.
