Roma e ka fituar me rezultatin e pastër 3-0 sfidën e kthimit kundër Trabzonspor, e vlefshme për një vend në fazën me grupe të kompeticionit të ri europian Conference League.
Pas fitores 2-1 të marrë në Turqi, skuadra e Jose Mourinho-s nuk ka patur probleme për të siguruar kualifikimin në Olimpico.
Cristante ka zhbllokuar ndeshjen me një predhë në minutën e 20-të, ndërsa Zaniolo ka dyfishuar avantazhin e vendasve në të 65-ën. Ylli italian nuk shënonte që nga 22 korriku i kaluar kundër SPAL.
Goli i tretë i verdhekuqve është shënuar nga El Shaarawy në minutën e 84-t.
