Një nga temat më të nxehta të merkatos së verës është rinovimi i Lionel Mesit. Por duket se “Pleshti” do të vazhdojë pushimet deri në momentin që do të nënshkruajë kontratën e re me Barcelonën.
Sipas AS, argjentinasi nuk do të jetë të hënën në qendrën stërvitore të katalanasve. Në ditët e kaluara është folur për një bashkim të Mesit me ekipin pavarësisht mungesës së rinovimit, por klubi nuk e ka pranuar këtë zgjidhje.
Aktualisht, 34-vjeçari ndodhet me pushime në Ibiza bashkë me familjen. Qëllimi i klubit është që ta mbyllë çështjen para 13 gushtit, në mënyrë që Mesi të jetë në fushë për ndeshjen e parë zyrtare të sezonit kundër Real Sociedad më 15 gusht në “Camp Nou”.
