Lionel Mesi ka bërë debutimin e tij me fanellën e PSG-së, duke nisur kështu një epokë të re në karrierën e tij. E ndërsa të gjithë presin të shijojnë magjitë e argjentinasit në Francë, ky i fundit ka filluar të shijojë “mikpritjen” në kampionatin e ri.
Edhe pse luajti më pak se 30 minuta në këtë duel, Mesit iu bë e qartë se çfarë duhej të priste në kampionatin francez nga mbrojtësit kundërshtare, Sa herë që kapte topin ai rrethohej nga 2 apo 3 futbollistë dhe këta të fundit nuk është se kurseheshin ndaj tij.
Në të tre rastet kur Mesi u mundua të driblonte mes kundërshtarëve, gjendej ndokush që e ndalonte me shpejtësi me shkelma, grushte apo bërryla.
Në tre raste të ndryshme, futbollisti përfundoi në tokë i goditur nga kundërshtarët, me faulle që ndoshta në Spanjë nuk i pësonte dhe aq shpesh, por me të cilët duhet të mësohet në kampionatin francez, siç e tregoi “mikpritja” te Reims.
