Është hedhur ditën e sotme shorti i raundit 1/16 të Kupës së Mbretit. Dy superfuqitë e futbollit spanjoll Real Madridi dhe Barcelona janë favoritë për të kaluar me sukses këtë fazës së kompeticionit të dytë më të rëndësishëm të futbollit iberik.
Madrilenët sfidohen nga ekipi i kategorisë së dytë Real Zaragoza, kurse kampionët në fuqi të Spanjës, Barcelona do të përballen me Leganesin e vendit të parafundit në La Liga.
Skuadra surprizë e këtij edicioni në Kupën e Mbretit, Kultural Leonesa (eliminuan Atletiko Madridin) do të tentojnë të eliminojnë fituesit e edicionit të kaluar të këtij kompeticioni, Valencian.
Andaluzinët e Sevijas përballen me Mirandesin, ekip që konkuron në La Liga 2.
Të gjitha takimet e kësaj faze zhvillohen me vetëm një ndeshje dhe do të luhen të gjitha në datat 28-30 janar. Në këtë moment të Kupës së Mbretit do të aplikohet dhe VAR-i.
Shorti i raundit 1/16 të Kupës së Mbretit cakton këto përballje:
Badajoz – Granada
Kultural Leonesa – Valencia
Tenerife – Athletik Bilbao
Real Zaragoza – Real Madrid
Mirandes – Sevija
Rajo Vajekano – Vijareal
Barcelona – Leganes
Real Sociedad – Osasuna
