Teksa priten prurje për ekipin e parë, kuqezinjtë investojnë për të ardhmen. Goditja e radhës mban emrin e Hugo Kuenkas, i cili është formuar në akademinë e Deportivo Kapiatas në Paraguai.
Marrëveshja për 16-vjeçarin është arritur mbi bazën e 500 mijë eurove, teksa klubi paraguaian do të përfitojë edhe 10 për qind të një shitjeje në të ardhmen.
I lindur në vitin 2005, Kuenka është një regjisor i mirëfilltë dhe do t’i bashkohet Milanit të rinjve ku po japin frytet e para edhe moshatarë si Kerkez e Robak. Mbi djaloshin nevojitet punë në fizik, por sidomos në taktikë, pasi dihet rëndësia e këtij aspekt në futbollin italian.
