Teuta që dje është grumbulluar në Elbasan, ku po kryen edhe përgatitjet e fundit për ndeshjen e kthimit në Konferencë Ligë me Shamrok Rovers. Durrsakët janë stërvitur dje në orarin e ndeshjes në stadiumin “Elbasan Arena”, ndërsa sot do të jetë radha e miqve për t’u stërvitur aty.
Trajneri Edi Mariti është më i qetë për nesër sesa para ndeshjes së parë. Arsyet janë se tashmë e njeh më mirë kundërshtarin, por edhe grupin do ta ketë më të plotë. Albano Aleksi mundoi në Irlandë, pasi ishte i pezulluar nga kartonët dhe kthehet si titullar për nesër.
Gjithashtu, është rikuperuar plotësisht edhe sulmuesi, Sebino Plaku, që ishte protagonisti i kualifikimit të Teutën në Andorrë ndaj Inter Eskaldes.
36- vjeçari e nisi nga stoli në Irlandë, pasi ishte i dëmtuar, por ai është gati për nesër, ku shpresohet që ta bëjë detyrën si para dy javësh në Andorrë.
Lorenco Vila është një mungesë e madhe, pasi sulmuesi akoma nuk e ka kaluar dëmtimin dhe nuk do jetë gati për Shamrok Roversin