Synimet e Tiranës janë të qarta në këtë merkato vere. Drejtuesit kërkojnë lojtarë në repartin e avancuar. Më saktë sulmues. Nga ana tjetër, bardheblutë po shohin edhe në reparte të tjera.
Kështu, në mbrojtje duan të afrojnë nga të rinjtë. Synimi është edhe porta, ku kërkohet një portier tjetër, nëse shitet Bekaj. Gjithsesi, për momentin nuk ka asnjë zyrtarizim tjetër veç Limajt e Seferit.
Pritet që shumë shpejt të ketë zyrtarizime të emrave të tjerë që Tirana ka arritur marrëveshjen. Bardheblutë deri tani kanë larguar 5 futbollistë, duke nisur nga Batha, Torasa, Kale, Vangjeli apo edhe Vrapi, që do të luajë te Skënderbeu. Veç këtyre pritet edhe shitja e Ismajlgecit në një kampionat tjetër, që të mbushë arkat e klubit.
