Mbrojtësi Bekim Dida, është zyrtarisht pjesë e Kastriotit në Kategorinë Superiore. 24-vjeçari, i cili disa javë më parë ishte në bisedime me Partizanin, ka zgjedhur të vijojë karrierën me klubin krutan, duke bërë një hap të rëndësishëm, teksa në sezonin e shkuar ishte pjesë e Korabit.
Dida stërvitej prej ditësh me Kastriotin, duke bindur drejtuesit, që ta bëjnë pjesë të skuadrës për sezonin e ri. Kukësiani në të kalaurën ka qenë pjesë e Besës së Kavajës, Kukësit B si dhe Korabit. I gjatë 1.91 m, Dida ka treguar një performancë të mirë për Korabin në Kategorinë e Parë, duke tërhequr e shumë klubeve të Superiores.
Sezonin e shkuar mbrojtësi luajti 20 ndeshje me Korabin në Kategorinë e Parë, duke i ndihmuar të renditen në vend të dytë dhe duke kapur fazën “play off”. Dida është produkt i akademisë së Kukësit.