Edy Reja, ish -trajner i Napolit dhe aktualisht tekniku i Shqipërisë, për gazetën Il Mattino ndalet në momentin e madh të skuadrës së drejtuar nga Luciano Spalletti, që deri tani ka 18 pikë në 6 ndeshje duke i fituar të gjitha në Serie A:
“Është e drejtë që ka entuziazëm, fitorja të jep ndjesi unike. Por, duhet të jeni të kujdesshëm, të mbash këmbët në tokë sepse përveç Juventusit, i cili nuk po kalon moment të mirë në këtë start sezoni, Napoli nuk është përplasur ende me asnjë nga emrat e mëdhenj”.
“Për shembull, tashmë me Fiorentinën të dielën do të jetë interesante për të parë nivelin e arritur nga Azzurri”.
Krahasuar me vitin e kaluar, ekipi nuk ka ndryshuar shumë. Në të vërtetë, baza mbeti e paprekur.
“Epo, në disa mënyra ishte një avantazh i madh për Spallettin – vazhdon Reja – sepse ai nuk duhej të integronte lojtarë që nuk njiheshin, nuk kishte pse të krijonte një ekip të ri, ai rifitoi njohuritë që këta lojtarë kishin të dy nga 4-3-3 e Sarrit dhe 4-2-3-1 e Gattusos dhe ka formuar një ekip që më ka emocionuar deri më tani”.
