Liverpuli ka bërë një hap fals në kampionat duke barazuar 3-3 me Brentfordin për javën e 6-të të Premier Ligës.
Skuadra e Klop e pa veten në disavantazh pas 27 minutash lojë, ku Pinok kaloi në epërsi Brentfordin. Avantazhi i vendasve zgjati vetëm 4 minuta, pasi Zhota vendosi baraspeshën pas një asisti të Henderson.
Pjesa e dytë nisi vrullshëm për të kuqtë, që kaluan në avantazh me anë të Salah. Janelt barazoi shifrat në 2-2 para se Xhons të kalonte sërish skuadrën e Xhons në avantazh në minutën e 67-të të takimit.
Teksa gjithçka po shkonte drejt një triumfi për Liverpulin, Visa barazoi dhe një herë shifrat në 3-3 për t’i dhënë një pikë të madhe skuadrës së tij ndaj gjigantëve të Premier Ligës.
Liverpuli mbetet sërish në krye të kampioantit nisur dhe nga hapi fals i Çelsit dhe Mançester Junajtid që u mposhtën më herët nga Mançester Siti dhe Aston Vila.
