Dinamo dhe Laçi kanë ndarë nga një pikë në një ndeshje dramatike në “Elbasan Arena” ku VAR-I u bë protagonist në të dyja rastet.
Kurbinasit e nisën mirë takimin me disa raste të pastra më pas skuadra e Shkëmbit mori komandën e lojës. Pjesa e parë përfundoi në barazim pa gola. Në pjesën e dytë, Dinamo kaloi në avantazh falë një autogoli të Julian Shehut i cili devijoi në mënyrë të pavullnetshme një krosim të Isaevskit.
Kur të gjithë menduan se blutë do të merrnin tre pikët, një skemë e kurbinasve i prishi festën Bledi Shkëmbit. Roganoviç mposhti Harizajn me një supergol nga distanca. Në këtë moment pati dhe shumë tension pasi gjyqtari iu drejtua VAR-it për pretendimet për një pozicion jashtë loje në momentin e golit të malazezit.
Pas 3 minutash te monitori, Ferataj vendosi se goli ishte I rregullt, teksa ndeshja rifilloi përsëri për tu luajtur deri në minutën e 100-të. Nga një pikë për të dyja skuadrat me Laçin që shpëton nga humbja, pas disfatës turpëruese me Vllazninë javën e kaluar.
