Partizani dhe Vllaznia kanë ndarë pikët në një tjetër barazim që ka dhuruar Kategoria Superiore në këto javë të para.
Dueli mes dy skuadrave ka parë në fushën e “Elbasan Arena” një përballje të ndezur, me raste që në sekondat e para të sfidës. Da Silva i dha avantazhin shkodranëve dhe Partizani ishte gjatë gjithë ndeshjes në ndjekje.
Fati e desh që edhe goli tjetër të ishte në ekstremin e sfidës, me rrjetën që erdhi nga Rrapaj me një gjuajtje nga jashtë zonës, duke vendosur barazpeshën në shifra me një rezultat që duket i mirë për të dy skuadrat në një moment që të gjithë po mendojnë të evitojnë humbjen.
