Hernan Crespo, trajneri aktual i San Paolos, foli për “Sportweek” përpara supersfidës Juventus-Chelsea, e vlefshme për fazën e grupeve në Ligën e Kampionëve. Duke u ndalur te bardhezinjtë e Allegrit, ai veçon dy futbollistë, për të cilët nënvizon se duhet të rriten, sidomos nga ana karakteriale:
“Unë do të doja të luaja në këtë ndeshje, gjithmonë kam shënuar gola të rëndë në fushën e Juves… Kjo është një sfidë e paparashikueshme. Vetëm një detaj: Unë kam besim te Dybala, por duhet të rritet ende në aspektin e karakterit. Chiesa është po aq i shpejtë sa babai i tij, por duhet të jetë më efektiv”.
