Ka ardhur më në fund fitorja e parë e Juventus-it në këtë sezon të Serisë A.
Skuadra e Massimiliano Allegri-t ka arritur të mundë 3-2 Spezia-n në transfertë dhe të marrë tre pikët.
Siç e tregon dhe rezultati, bardhezinjtë nuk e kanë patur aspak të lehtë të sigurojnë fitoren.
Kean (28′) ka hapur ndeshjen për torinezët, por pesë minuta më mbrapa ka ardhur barazimi i vendasve me një gol të bukur të Gyasi.
Katër minuta pas fillimit të pjesës së dytë Spezia ka përmbysur gjithçka me 19-vjeçarin Antiste.
Kur dukej se Juventud do të merrte një tjetër rezultat zhgënjyes në kampionat kanë ardhur dy golat e Chiesa (66′) dhe De Ligt (72′) që i kanë dhuruar fitoren e shumëpritur Zonjës.
13 minuta para fundit të sfidës është futur në fushë edhe Rey Manaj për vendësit, por ylli shqiptar nuk ka arritur ta ndihmojë skuadrën e tij të shmangë humbjen.
