Konfirmohet lajmi i “Panorama Sport” teksa Ergys Kaçe pritet të firmosë me skuadrën e Partizanit.
Një goditje e madhe e skuadrës së kuqe teksa në orët në vijim pritet ta zyrtarizojë si lojtarin e ri të saj.
Sipas asaj që shkruan “BalkanWeb”, mesfushori i Kombëtares shqiptare do të firmosë kontratën e tij me Partizanin në orët në vijim.
28-vjeçari do të jetë në dispozicion të trajnerit Daja në fillimin e këtij sezoni, teksa mesfushori ishte synim edhe i Tiranës, që i kishte bërë ofertë më parë, por në fund zgjodhi “demat” për 120 mijë euro në vit.
Kaçe bëhet lojtari më i paguar në Superiore, bashkë me Liridon Latifin e Vllaznisë.
