Ish-futbollisti i Shpresave të Shqipërisë, Shefit Shefiti, i magjepsi të gjithë me supergolin e realizuar në Kupën e Maqedonisë.
23-vjeçari, i cili aktivizohet me Renovën, nxori nga repertori i tij një roveshatë spektakolare, pas një harkimi nga e djathta, duke shmangur portierin kundërshtar.
Këtë perlë, Shefiti e regjistroi në minutën e 67-të, në sfidën ndaj Gostivarit, ku skuadra e Renovës, triumfoi me rezultatin 0-4.
