Mino Raiola ka folur në lidhje me transferimin e Donnarumma te PSG dhe të ardhmen e Paul Pogba në një intervistë të dhënë për RAI-n.
“Më vjen keq për mënyrën si është trajtuar Gigio. Ai ka bërë një zgjedhje jete, nuk ka patur asnjë tradhti. Mund të ishte larguar 4 vite më parë dhe nuk e ka bërë”, ka thënë super menaxheri.
“A ka qenë afër Juventus-it? Mendoj se Juventus është e penduar akoma që nuk e ka marrë. Dhe jo vetëm Juventus. Nuk ka luftë mes Gigio-s dhe Navas-it te PSG, do të luajë Gigio”.
Në lidhje me një transferim të mundshëm të Pogba tek Juventus:
“Kontrata e Pogba skadon vitin e ardhshëm. Do të flasim me Manchester dhe do të shohim. Torino i ka mbetur në zemër dhe këto gjëra janë shumë të rëndësishme për të. Ekziston mundësia q ëtë kthehet tek Juventus, por kjo varet edhe nga Juve”.
