Manchester City ka shkatërruar 6-1 Wycombe në Kupën e Ligës së Anglisë, por para se të dominonte me lojë dhe gola e ka parë veten në disavantazh të një goli.
Pep Guardiola ka aktivizuar shumë prej futbollistëve të Akademisë që kanë patur mundësi të fitojnë eksperiencë dhe të përballen me legjendën Adebayo Akinfenwa, gjiganti 39-vjeçar i njohur për fizikun e tij unik.
“Djemtë tanë janë përballur me një legjendë të futbollit anglez”, ka thënë trajneri i City-t pas ndeshjes në lidhje me sulmuesin e rivalëve.
“Kanë luajtur mirë dhe do të mësojnë shumë nga kjo ndeshje. Duhet t’i falënderoj të gjithë ata”.
