Bernd Leno, portieri aktual i Arsenal-it, ka folur për Sport Bild në lidhje me të ardhmen e tij pas zërave të parë të një lamtumire të mundshme nga Topçinjtë dhe një interesimi të Inter-it.
“Londra është shumë e bukur, por edhe Milano nuk është keq dhe do të ishte më afër Shtutgartit, vendlindja ime. Megjithatë, nuk di akoma asgjë, jam mirë tek Arsenal dhe në Londër”, ka thënë Leno.
“Vetëm nëse situata ime do të ndryshojë gjatë dimrit, atëherë do të mendoja se çfarë opsionesh kam në dispozicion dhe se çfarë do të bëja. Tani jam i përqendruar te puna e përditshme, për pjesën tjetër nuk mund të them asgjë”.
