“Penalltia që nuk iu dha Roma-s në pjesën e parë? Zaniolo ishte në pozicion jashtë loje”.
Këto kanë qenë fjalët e thëna nga Maurizio Sarri gjatë konferencës për shtyp në prag të ndeshjes së Europa League të Lazio-s kundër Lokomotivës së Moskës.
Trajneri i bardhekaltërve i është përgjigjur në këtë mënyrë ankesave të trajnerit të Roma-s, Jose Mourinho, pas derbit të Romës.
“Dhe penalltinë në pjesën e dytë e kanë parë vetëm arbitri dhe VAR. Unë në dy ditë nuk e kam parë kontaktin: nëse ka kontakt, është Zaniolo që kap Akpa-Akpro”, ka shtuar Sarri.
“Por nuk më intereson, pikët i kemi marrë dhe duhet të mendojmë për të ardhmen. Një sezon nuk duhet të bazohet te derbi, pavarësisht nga rëndësia që ka”.
