Jyrgen Klop e ka vlerësuar të rëndësishme fitoren 5:1 në transfertë ndaj Portos, ndeshja tjetër e grupit B ku bëjnë pjesë Milani dhe Atletiko e Madrdit. Pas suksesit, trajneri i Liverpulit deklaroi:
“Aspekti më i rëndësishëm është rezultati. Është një sukses i madh ndaj një ekipi të madh si Porto. Mënyra se si kemi fituar e bën edhe më të vlefshme. Kemi luajtur mirë në shumë momente të garës.
Në pjesën e parë kemi shënuar ndoshta jo golat më të bukur, por patjetër që kanë qenë të rëndësishëm pasi na lejuan t’i menaxhojmë energjitë. Në fraksionin e dytë e kemi kontrolluar gjithçka dhe Porto hasi vështirësi ndaj nesh. Në aspektin difensiv kemi luajtur ndeshje shumë të mirë”.
