Në listën e gjatë të kandidatëve për të marrë drejtimin e Barcelonës është dhe ish-legjenda e këtij klubi, Tieri Henri.
Francezi është aktualisht ndihmësi i Roberto Martinezit – një tjetër kandidat dhe ky – në kombëtaren belge dhe që shihet me sy të mirë në Barcelonë.
Por, ish-trajneri i Francës, Rajmond Domenek, e ka këshilluar bashkëkombësin e tij që të mos e pranojë stolin e Barcelonës. Duke folur për gazetën “L’Equipe”, Domenek ka thënë:
“Tieri Henri është i zoti, megjithatë nuk do t’ia rekomandoja ta drejtonte këtë Barcelonë. Kush shkon atje vuan. Ka lojtarë të mirë, por jo të mëdhenj. Nëse nuk rikuperojnë të dëmtuarit nuk mendoj se arrijnë as vendin e pestë”.
