Kombëtarja e femrave ka barazuar 1-1 me Kosovën në sfidën e vlefshme për kualifikueset e Botërorit për femra.
Femrat kuqezi kaluan të parat në avantazh në fundin e pjesës së parë me anë të sulmueses Megi Doçi. Futbollistja e Vllaznisë ekzekutoi saktë një 11-metërsh duke dërguar në avantazh Shqipërinë në pushimin e pjesës së parë.
Por Kosova reagoi në pjesën e dytë duke barazuar shifrat me Limanin, e cila shfrytëzoi saktësisht një pasim të Mehmetit. Shqipëria dhe Kosova ndajnë nga një pikë në një grup të vështirë ku bëjnë pjesë dhe Polonia, Belgjika, Norvegjia e Armenia.
