Anëtarët e Komitetit Hat-Trick të UEFA kanë zbarkuar ditën e djeshme në Tiranë në kuadër të mbledhjes që zhvillohet për herë të parë në vendin tonë.
Kryetari i Komitetit, Karl Enrik Nilson së bashku me pjesën tjetër të delegacionit zhvilluan disa vizita si muzeun e futbollit në ambientet e Shtëpisë së futbollit dhe më pas iu drejtuan stadiumit “Air Albania” aty ku do të mbahet dhe finalja e madhe e Ligës së Konferencës vitin tjetër.
Arsyeja e kësaj vizite është mbledhja mbi projektet e rëndësishme të futbollit europian dhe si vendtakim u zgjodh pikërisht Tirana. Ndërkohë zyra e shtypit e FSHF-së ka shpërndarë momente nga takimi i presidentit Armand Duka me zyrtarë të komitetit.