Ronald Kuman tashmë i ka minutat e numëruara në pankinën e Barcelonës. Sipas medias iberike “AS”, presidenti i katalanasve, Hoan Laporta ka thirrur një mbledhje urgjente në orën tre të mëngjesit me stafin e tij në selinë e klubit blaugrana.
Duket se paraqitjet në kampionat dhe e fundit ky turpërim që pësuan ndaj Benfikës në Champions me rezultatin 3-0 pritet të jetë fatale për teknikun holandez i cili duket më shumë se kurrë drejt largimit nga skuadra e Barcelonës.
Sipas asaj që raporton “AS” kandidati më i preferuar për momentin është ish-trajneri i Juventusit, Andrea Pirlo pavarësisht se me bardhezinjtë nga Torino nuk pati ndonjë sukses të madh.
Bie për momentin pista Ksavi Hernandez dhe më i preferuari për momentin për numrin një të klubit të Barcelonës është italiani Andrea Pirlo.
