Plot tre muaj me vonesë janë dy lojtarët e Tiranës, Isak Giamfi dhe Riçard Danso. Dy bardheblutë nuk po vijnë, sepse kanë probleme me vizat, por kjo histori është zgjatur në maksimum.
Drejtuesit e Tiranës janë të shqetësuar, pasi lojtarët nëse vijnë, do të jenë shumë mbrapa me përgatitjet. Gjithsesi, afrikanët duhet të duken në Shqipëri dhe më pas të shihet gjendja e tyre. Pothuajse të gjithë lojtarët nga kontinenti afrikan kanë probleme. Shumica ka të bëjë me vizat që duhet të merren në Egjipt, por edhe me kapriçot e futbollistëve të huaj që janë shumë të vështirë për t’u menaxhuar.
Danso vjet ishte një nga ata që pati probleme, ndërsa Giamfi ka rezultuar gjithmonë një tip më i qetë. Tiranës i është larguar edhe Ibraim Sulej. Mesfushori nuk bindi asnjë minutë, njëlloj si Sasraku një vit më parë, që shënoi një gol, ndonëse luajti dy faza të Superiores.