Kombëtarja shqiptare pas fitores me Hungarinë është grumbulluar në kompleksin ‘Tropikal’ në Durrës ku po stërvitet para ndeshjes me San Marinon që do të luhet ditën e mërkure.
Pasditen e sotme, kuqezinjtë janë stërvitur të ndarë me grupe në sytë e trajnerit Reja. Nga pamjet e stërvitjes të publikuara nga FSHF-ja në ‘’Facebook’’ duket që atmosfera mes lojtarëve është shumë e mirë dhe janë përshtatur mire me njëri-tjetrin.
Gjatë stërvitjes, Manaj humbet një top dhe shokët e skuadrës ‘e ndëshkojnë’ duke tentuar t’i qëllojnë me shuplaka. Një episod qesharak, që rrit dozat e optimizmit përpara një kundërshtari të lehtë në letër, por që s’duhet nënvlerësuar asnjëherë.
