Mbrojtësi i majtë i Interit, Di Marko gaboi nga pika e bardhë e penalltisë në sfidën ndaj Atalantës, duke humbur shansin që t’i jepte zikaltërve tre pikët.
Pas ndeshjes, Federico Dimarco i kërkoi falje tifozëve për penalltinë e humbur dhe u shpreh se synimet janë për 3 pikët e para në Ligën e Kampionëve.
“Më vjen shumë keq për penalltinë, por jam i lumtur sepse shokët e skuadrës dhe tifozët më gëzuan menjëherë. Të luash në shtëpi është një nxitje shtesë, sot kemi bërë një lojë të shkëlqyeshme dhe duhet të vazhdojmë të punojmë. Për mua nuk është problem ta pranoj, e humba penalltinë, por do të vazhdoj të punoj për t’u përmirësuar.
Trajneri na kërkon të futemi në mënyrën më të mirë, me pesë zëvendësime është e rëndësishme të futemi mirë në fushë. Tani nga nesër duhet të mendojmë për Shaktarin dhe të marrim tre pikët që mund të jenë themelore për klasifikimin në Ligën e Kampionëve”, u shpreh Di Marko.
