Edhe pse përballë kishin një kundërshtar modest, tifozët nuk e braktisin Kombëtaren, teksa mbushën shkallët e “Elbasan Arena”-s, aq sa para ndeshjes u krijuan radhë edhe në biletari. “Panorama Sport” iu përcjell pikante dhe ata që nuk u panë në transmetimin televiziv:
* Ndonëse shikohej si ndeshje me risk të ulët për incidente, policia kreu kontrolle të rrepta gjatë hyrjes në stadium. Çakmakët dhe gjërat e tjera metalike iu hoqën tifozëve nga xhepat dhe iu hodhën në rrugë.
* Gjatë këndimit të himneve të përfaqësueseve të gjithë duhet të çohen në këmbë në shenjë respekti. Një pjesë e mirë e tifozëve shqiptarë nuk e respektuan këtë rregull, duke treguar indiferentizëm.
* Reja tërbohet me Manajn dhe me fintet që po bënte ai, duke bërë veprime me gjeste sikur po kërcente, veprim që solli ilaritet në shkallët e stadiumit.
* Tifozët “mërziten” nga golat e shënuar dhe me një ndeshje të përfunduar, fillojnë të boshatisin stadiumin rreth 10 minuta para mbylljes së ndeshjes.
