Ashtu si Kategoria Superiore, dhe Kategoria e Parë do të startojë në datën 11 shtator, teksa të gjitha përballjet do të luhen në një orar, në 16:00.
Dy skuadrat që ranë nga kategoria sezonin e kaluar, Apolonia dhe Bylisi do të kenë një sfidë më vete pasi shumë nga titullarët e tyre vendosën të qëndronin në Superiore. Fierakët do ta nisin në shtëpi përballë Erzenit të Nevil Dedes, ndërsa mallakastriotët në transfertën e vështirë përballë Besëlidhjes.
Maliqi debutues do të pres në shtëpi Lushnjen, ndërsa Besa dhe Turbina do të masin forcat në një miniderbi. Në sfidat e tjera, Tërbuni do të luajë në shtëpi përballë Burrelit, Shkumbini me Vorën, Tomorri me Korabin ndërsa Butrinti me Pogradecin.
Kategoria e Parë- Java 1
11/09/2021
Apolonia-Erzeni (Fier, 16:00)
Shkumbini-Vora (Peqin, 16:00)
Maliqi-Lushnja (Korçë, 16:00)
Tërbuni-Burreli (Pukë, 16:00)
Tomorri-Korabi (Berat, 16:00)
Butrinti-Pogradeci (Sarandë, 16:00)
Besa-Turbina (Kavajë, 16:00)
Besëlidhja-Bylis (Lezhë, 16:00)
