Ndeshjet e sotme kualifikuese të Botërorit 2022 për zonën e Europës kanë nisur me një rezultat të papritur për shumëkënd. Ukraina, përfaqësuese e cila mori pjesë në Europian gjatë kësaj vere, nuk ka arritur më shumë se një barazim 2-2 ndaj Kazakistanit në transfertë.
Ukrainasit shkarkuan Andrij Shevçenkon pas përfundimit të aktivitetit në verë dhe ia besuan skuadrën Oleksandr Petrakov. Por starti i këtij të fundit në kreun e ekipit nuk ka qenë më i miri i mundshëm.
Jaremçuk i dha avantazhin Ukrainës në pjesën e parë, por u përgjigj Valiullin për vendasit në pjesën e dytë. Emocionet ishin të gjitha pastaj në fundin e ndeshjes. Fillimisht ishte Sikan që shënoi për Ukrainën, në minuta shtesë të sfidës, duke i dhënë avantazhin e duke lënë të mendohej se përfaqësuesja e tij do të merrte tri pikët. Por në minutën e 96, Valiulin tundi përsëri rrjetën për vendasit dhe barazoi në 2-2 rezultatin, duke vulosur fatin e kësaj ndeshje.
Renditja: Francë 7 pikë, Ukrainë 4, Finlandë 4, Kazakistan 2, Bosnjë Hercegovinë