Antuan Grizman ishte i lumtur për dopietën ndaj Finlandës, por pas saj ndoshta sulmuesi i Atletikos deshi t’i përgjigjej në distancë edhe presidentit të Barcelonës, Joan Laporta, i cili dje tha se lojtari nuk bënte për skemat e tyre:
“Për mua ishte një natë magjike, por jam i lumtur sidomos për ekipin. Ishim në një moment të çuditshëm më shumë sesa të vështirë, por mendoj se bëmë një ndeshje të madhe. Arritëm atë që donim.
Rekordi i Platinisë? Unë jam një lojtar që flas në fushë dhe kam dhënë shpirtin kudo ku kam luajtur. Nuk flas për të tjerët, por as nuk më pëlqen të mburrem dhe ta marr peshën e arritjeve për vete”.
