Lionel Messi është shprehur entuziast për kthimin e publikut në stadiume në prag të ndeshjes mes Argjentinës dhe Bolivisë për kualifikimet në Katar 2022, që do t’i lejojë më në fund tifozët argjentinas të festojnë fitoren e Kupës së Amerikës të arritur korrikun e kaluar.
“Është një çmenduri e vërtetë. Është akoma për të ardhur keq sepse stadiumi nuk do të jetë i mbushur plot për shkak të pandemisë”, ka thënë kapiteni i Albiceleste për ESPN.
“Do të jetë një moment spektakolar për ne, pres me padurim të jem aty”, ka shtuar gjashtë herë fituesi i Topit të Artë.
